وش اللي يفتح النفس !
يوم أمسك اللاب وأكتب لكم و أنا ممده رجولي في السيب لا لي ولا علي " ايقونه بنت حاطه لابها ع المركى "
وفوق هذا كله أحس إني زي الريشه مخي فاضي صدري فاضي ، أكثر شي أحسه مسوي زحمه في حياتي هو صوت أصابعي يوم تطقطق ع الكيبورد ، تخيلوا بس هالصوت هو اللي مزعجني ؟!!
وانا اكتب هالمقدمه دخل أخوي منخرش وعيونه طايره يعلمني إنه بيودي زوجته لمستشفى الولاده بتولد الحين ويقولي إدعيلها إن الله يهون عليها يارب
الله يهون عليها ياكريم و ع فكره ترى ما اتحمس كثير مع عيالنا وبناتنا الجدد بما إنهم ماشاءالله تبارك الله كثار لدرجة إني لو أرسلهم لفلسطين قدروا يحررونها من كثرهم .. فكل شهرين تقريباً يجيني خبر إن مرت أخوي ولا أختي في المسشتفى تحت عملية الولاده .. بالعربي المولود الجديد في حياتي تسنه شربة ماء ماشاءالله تبارك الله ،
أدري إن هالحكي اللي كاتبته يضايقك يايمه بس تكفين يمه سامحيني على الحقيقه اللي قاعده أكتبها للناس
الله لا يضرهم ويصلحهم لأهاليهم بس pb189
سبب كتابتي للموضوع الإرتجالي هو موقف مُحرِّج صار لبنات أعرفهم شخصياً ، وسمعت السالفة منهم وضحكت و انا أتخيل الموقف ، وحطيته على نفسي ، تمنيت إن الأرض تنشق وتبلعني ولا أمرّ بموقف زي هذا
شسمه
هذولا مجموعة بنات قراوه ، إنعزموا في فندق المثنى على زواج صديقتهم وكشخوا ولبسوا أحلى لبس وطلعوا كنهم من بنات الشيوخ ، وكل وحده فيهم تقول الزين عندي
وفي القاعه جالسين باتكيت وأدب واحترام وذوق ، وطاولتهم محجوزه لهم في مكان استراتيجي بما إنهم صديقات العروس الخاصين ،
وقبل تتصور العروس دقت على وحده منهم
وقالتلها : أطلعوا لي فوق أبي اشوفكم قبل يدخل الهازبند واتصور معه pb094
شدًوا حيلهم البنات وراحوا عند المرايات يراجعون أنفسهم وأشكالهم قبل يطلعون للعروسه
وطبعاً هي قالت إنها في الدور الرابع في جناح العروس ، والبنات من كثر فهاوتهم مافكروا إن الأدوار الباقيه ماعاد لها علاقه بالقاعه يعني فيها رجال وما إلى ذلك pb030
اتجهوا البنات وهم بكامل زينتهم للمصعد بدون عبايات ، رايحين للعروس .. ضغطت الخبيره فيهم رقم الدور ووقفوا كذا متجهزين وماخذين نفس
وانفتح باب المصعد بشويش وطلع بوجييههم خمسه وعشرين رجال مابين أخوان العروس وخوالها وعيال أخوها
الرجال مستغربين وفيهم الضحكه ويطالعون البنات الي نصهم عاري ودروا إنهم صديقات العروس ومنهم اللي يتصددون وومنهم اللي يطالعون ويضحكون
والبنات يبون يسكرون باب المصعد بس ماطاع يسكر لازم يفتح كله اول شي وبعدين يرجع يسكر بشويش
ومن ورى مرايات فكانوا يلفون ظهورهم الكاشفه ووجيههم تع**ها المرايه على العيال اللي ورا ظهورهم pb027
المهم تقفل باب المصعد بعد مرور دقيقتين كانت من أصعب الدقايق ع البنات / البنات اللي من كثر ماهم منحرجين نزلت دموعهم من الضحك :sm1b027
ولازالت البنت الخبيره تمارس خبرتها في صديقاتها ، وقالوا رجعينا خلاص ماعاد نبي نروح ماتسوى علينا رجعينا يلا للقاعه
